屋企樓下個單位因為僭建，拆牆之餘亦順便大裝修。因為大工程所以已經係過年前嘅一星期已經開緊工，之前已經試過搞到全條走廊都係瓦礫（！）同埋舖晒塵，唔知我以為比亞爾蓋達轟炸完。當然我有即時屌柒佢哋，而事後佢哋亦有係咁意清理咗啲瓦礫。
呢排就進行精神轟炸，每日準時朝9晚5開大喇叭聽大陸 High 歌，日日動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧動唧.......真係咩歌都可以攞嚟做 Remix，遠古嘅劉華《暗裹著迷》（♪ 唯在暗裹愛你暗裹著迷 無謂要你惹上各種問題），到宇宙Gem嘅《光年之外》，由過完年起計都聽咗差唔多兩星期。兩位裝修大哥仲會一路聽一路唱歌！
天呀～～我做錯咗啲咩呀？？！！！！！😭點解要咁嚟懲罰我？
#Freelancer長時間喺屋企鼻毛可鼻
____
博客瀏覽量超過1️⃣6️⃣0️⃣0️⃣萬！
Blog：plainfaceangel.blogspot.hk
FB：素顏天使 PLAINFACE ANGEL
IG：djpatricia
MeWe：mewe.com/i/plainfaceangel
Search